GALIZA NOVA DE FENE

O 22-M hai alternativa en Ferrolterra!!

2011-05-10T23:06:00.000+01:00

Galiza Nova en Ferrolterra acaba de elaborar este vídeo de campaña para amosar que o 22 de maio hai alternativa no teu concello co BNG.

Aquí podes velo:

Un equipo de primeira preparado para gobernar

2011-04-21T12:32:00.003+01:00

O BNG de Fene presenta á sociedade unha candidatura renovada na que a media de idade non supera os 40 anos. Unha candidatura formada por persoas diversas e dispostas a pór a disposición da veciñanza de Fene a súa profesionalidade e capacidade de traballo. Homes e mulleres preparados e preparadas para gobernar e con novas enerxías para afrontar un goberno con moitas cousas por facer despois de catro anos de parálise. Encabezadas por Juventino Trigo, home independente e profesional da xestión, na candidatura aparecen caras novas e tamén outras xa coñecidas entre a sociedade polo seu bo facer como concelleiros/as de goberno e tamén de oposición. En definitiva, o equipo que devolverá a Fene o lugar que lle corresponde na comarca como Concello dinámico, que escoita aos veciños e veciñas e que destaca pola súa actividade cultural, deportiva, de igualdade e de xeración de emprego.

Candidatos/as:

1.- JUVENTINO JOSE TRIGO REY

2.- RITA MARIA COUTO SEIJIDO

3.- MANUEL POLO GUNDIN

4.- INES ROCA REQUEIJO

5.- JUSTO MARTINEZ ARDA

6.- ALEJANDRA PERMUY MEIZOSO

7.- ALBERTO LUIS MACEIRAS PEDREIRA

8.- JOSEFINA LOPEZ PICO

9.- EDGAR ANTONIO VIGO LOPEZ

10.- MARIA DIGNA FARALDO PURRIÑOS

11.- FRANCISCO JAVIER RIVEIRO LOPEZ

12.- PAULA GONZALEZ PAZOS

13.- FRANCISCO MANUEL PERMUY GOMEZ

14.- FRANCISCA RODRIGUEZ PEREIRA

15.- DOMINGO BERNARDO ANTON SANCHEZ

16.- MARIA PILAR FREIJOMIL PEREZ

17.- NESTOR FERNANDEZ FARALDO

Suplentes:

1.- MARIA DE LA O ROMERO CASTRO

2.- JOSE ANTONIO GARCIA BELLO

3.- JOSEFA VICENTA LEAL CASAL

4.- MANUEL VIDAL ARDAO

5.- ANA ISABEL SANTIAGO LOPEZ

I Campionato de Sing Star

2010-12-20T21:30:00.002Z

Desde Galiza Nova queremos que pasedes un Nadal agradable e divertido. Por isto chega o I Campionato de Sing Star, organizado por Galiza Nova Fene.
O martes 28 de decembro, no CPS de San Valentín estaremos con vós nun divertido día.

O programa para este día é:

A partir das 17.00 h. os máis pequenos poderán disfrutar de actividades e sorpresas. Haberá xogos, e manualidades para eles, e tamén teremos con nós ao Apalpador, figura mitica galega, que ven polo Nadal para desexar un feliz ano aos nenos.

A partir das 19.00 h. comezaremos co concurso de Sing Star. Todos os que queirades apuntarvos poderedes facelo ese mesmo día antes de que dé comezo o concurso. Cando teñamos a lista de participantes completa, comezará o I Campionato de Sing Star.

Risas, sorpresas e agasallos asegurados!!Ven e pásao ben con nós!!!Esperámoste o día 28 de decembro no C.P.S San Valentín!!!

Non á supresión do Noitebús!!

2010-10-16T14:16:00.002+01:00

Galiza Nova de Fene súmase á campaña contra a supresión dos servizos do Noitebús.Somos conscientes do moito uso que se fai deste servizo na nosa comarca

Desde Galiza Nova lembramos que o Noitebús foi unha iniciativa posta en marcha na anterior lexilatura, co impulso do BNG desde a Dirección Xeral de Xuventude, e que agora o PP está suprimindo, “era unha medida social que permitía que a xente nova do rural puidese disfrutar do lecer nocturno de forma segura”, sinalou Iria Aboi. Ademais, as tarifas populares “permitían que moitos mozos e mozas que non teñen coche puidesen utilizar este servizo”.

“Proba do éxito desta iniciativa é que máis de 400.000 mozos e mozas viñan utilizando o Noitebús, e que a propia Dirección Xeral de Tráfico recoñeceu que era un medio eficaz para reducir a sinistralidade de xente nova nas estradas”, afirmou Iria Aboi. Ademais, salientou que “este servizo necesario e eficaz contribuía a crear conciencia na xente nova a favor da utilización do transporte público”.

Neste sentido, a Secretaria Xeral de Galiza Nova denuncia que a decisión do Goberno do PP na Xunta de Galiza de suprimir este servizo “é unha medida antisocial e irresponsábel porque os fondos para loitar contra os accidentes de tráfico non poden deixar de ser unha prioridade para o Goberno Galego”.

Desde Galiza Nova rexeitamos o custo económico como razón para suprimir este servizo, tal e como esgrime o Goberno de Feijóo, xa que só representa o 0,5% do orzamento da Consellaría de Infraestruturas, Territorio e Medio Ambiente.

Desde Galiza Nova denunciamos tamén que Feijóo intentase criminalizar á mocidade galega asegurando que utilizaban o Noitebus para alcoholizarse. En palabras de Iria Aboi: “A xente moza divírtese de moitas formas e non só co alcohol, e moita xente utilizaba este servizo porque non tiña medio de desprazarse ás zonas de lecer; as palabra de Feijoo reflicten unha mentalidade rancia”, asegura.

Galiza Nova está recollendo sinaturas en contra desta medida da Xunta de Galiza.Se te consideras afectado desta medida, ou simplemente nos apoias, contacta con nós para asinar o teu apoio á nosa campaña!

A asemblea local do BNG aposta polo independente Juventino Trigo para encabezar a candidatura á alcaldía de Fene

2010-10-03T21:52:00.001+01:00

Juventino Trigo Rey encabezará a candidatura do BNG de Fene de cara as municipais do 2011, a Asemblea local do BNG reunida o venres 17 de setembro apoiou a iniciativa do Consello local para a elaboración da candidatura unanimemente. Na proposta realizada para encabezar a lista das municipais figura o independente Juventino Trigo.

O consenso no seo do BNG entorno á proposta de Juventino Trigo foi total. Juventino Trigo amosouse moi orgulloso de encabezar a candidatura nacionalista e “moi ilusionado ante o repto de recuperar a alcaldía para o BNG”
O perfil do candidato á alcaldía de Fene polo BNG é o que os veciños e veciñas necesitan para sacar a Fene da parálise e a desatención dos últimos tres anos. Juventino Trigo de 48 anos de idade, é asesor de empresas, sendo o titular da Asesoría Perlío. Foi aprendiz en Astano el logo traballador do estaleiro, nesta época de finais dos anos 70 participou na creación do sindicalismo nacionalista e da propia ANPG, xermolo do actual BNG. Na crise dos anos 80 fórmase estudando Graduado social para posteriormente montar a asesoría que dirixe ate a actualidade. Con ampla experiencia na xestión é coñecido pola seriedade e o rigor no seu traballo. Na actualidade é secretario da Asociación de comerciantes O cruceiro na que se aglutina a meirande parte dos negocios do concello.

Na proposta do Consello Local para a candidatura barállase a continuidade dos concelleiros e concelleiras do actual grupo municipal aínda que non se descarta a incorporación de caras novas. O resto da candidatura está sen pechar, aínda que se están a facer contactos coas persoas máis dinámicas do concello para facer unha candidatura que ilusione e reactive ao pobo de Fene. A aprobación definitiva das candidaturas nacionalistas farase a mediados de novembro onde o BNG dará conta da totalidade da candidatura.
O consello local nacionalista tamén quere dar a coñecer que vai inciar un intenso traballo de contacto social e de participación da cidadanía tanto na elaboración do programa como na confección da candidatura. Ambos obxectivos contaran con especial atención ao que nos diga a xente.

Folga Xeral o 29 de setembro

2010-09-27T20:36:00.003+01:00

Desde Galiza Nova vemos claramente como as medidas aprobadas polo goberno do PSOE supoñen facilitar e abaratar o despedimento para todos os traballadoras/es que teñen un contrato indefinido. Por se fose pouco apróbase a subvención pública para parte destes despedimentos, co que se da o paradoxo de que coas cotizacións das/os traballadoras/es se pagará o seu despedimento. Alén disto a contrarreforma laboral ataca a esencia da negociación colectiva, ao facilitar que as empresas queden exentas da aplicación dos convenios colectivos, en especial no que fai referencia ao salario. Esta reforma tamén abre a porta a que os empresarios, sen acordo cos representantes sindicais, realicen modificacións substanciais das condicións de traballo. As traballadoras e traballadores son dados totalmente de lado en medidas coma esta, na que se retrocede amplamente en importantes conquistas laborais conseguidas ao longo dos anos. Porque non podemos permitir que isto suceda, mobilízate connosco! Polo futuro da mocidade, o 29 de setembro apoia a Folga Xeral!

Convidámosvos a secundar a folga do día 29 non asistindo ás clases e animámosvos a participar na manifestación organizada pola CIG, que sairá as 12.30 h. do seu propio local en Esteiro.

O 29 DE SETEMBRO, FOLGA NO ENSINO!! FOLGA XERAL!!

BILLARDA EN FENE

2010-08-15T23:15:00.008+01:00

O venres 13 de agosto os veciños de Fene xuntámonos para disfrutar dunha tarde de Billarda.Galiza Nova e o BNG de Fene quixemos recuperar este deporte tan popular galego, e por un día cambiamos os balóns polo palán e a billa.

Arredor de 60 persoas decidiron participar neste evento, con participantes de todas as idades e sexos.

Tanto os participantes coma os que non se decidiron a participar pasaron unha tarde divertida e agradable. O tempo tamén permitiu que o xogo se realizara sen ningún problema de última hora.

Os máis pequenos tamén quixeron formar parte da festa, e demostraron unhas grandes cualidades co palán e coa billa.

E finalmente, aínda que o noso obxectivo era xuntar aos veciños, quixemos tamén premiar á campiona do torneo, que recibiu unha bandeira e unha camisola como agasallo polo seu bon xogo despregado.

Desde Galiza Nova queremos agradecer a todo o mundo a vosa participación, dunha ou doutra maneira, no evento, e anunciarvos que seguiremos traballando como ata agora, ou máis se nos é posible.

I Aberto de Billarda

2010-08-11T22:43:00.002+01:00

Galiza Nova organiza xunto co BNG de Fene, este venres 13 de agosto, o primeiro Aberto de Billarda no Concello de Fene.

O acto comezará a iso das 19.00 h. A inscrición realizarase momentos antes de comezar o campionato.

Veciños, veciñas, rapaces e rapazas. Non importa a túa idade.Se che apetece participar nesta xornada, e facer un pouco de deporte, non o dudes e pásate pola Rúa do Concello e divírtete con nós!!

-------------------------------------------

Galiza Nova Fene

Estamos tamén en Tuenti.Agréganos!!!

FESTIGAL 2010

2010-07-15T12:44:00.001+01:00

Xa está aqui o Festival máis agardado do verán. O vindeiro 24 e 25 de Xullo, Galiza Nova organiza o Festigal 2010 en Compostela.

O campus sul acollerá, coma sempre, actividades de tódolos tipos e para tódolos gustos.Talento galego a esgalla! Música, tendencias,diversidade, letras , ideas,…

Podes consultar o programa completo na web http://www.festigal.com/

Os feneses Bellón Maceiras Quinteto subirán ao escenario o Domingo 25 de Xullo, Dia da Patria.

GALIZA-COLOMBIA

2010-06-15T15:07:00.001+01:00

Xa está dispoñible no Vimeo un video-resumo do que foi o encontro reivindicativo das seleccións nacionais deportivas galegas organizado por GN Fene.

PREME AQUI –> VER VIDEO

OFICIALIDADE DAS SELECCIÓNS GALEGAS XA !!!

2010-06-08T12:12:00.000+01:00

Unha nación, unha selección.
Partido Reivindicativo das seleccións deportivas nacionais galegas.

A selección nacional galega une. A identificación social e o apoio masivo á irmandiña é un feito que
ninguén pode eliminar.

O BNG dende o goberno galego, impulsou as seleccións nacionais en tódalas disciplinas deportivas e
avanzou cara o seu recoñecemento e normalización institucional.Milleiros de seareiros nas bancadas son a proba
de que os galegos e galegas nos identificamos cun equipo que é de todos e todas, sen rivalidades. A selección é un
simbolo común de país.

Dende a chegada do PP á Xunta de Galiza e a súa política de destrucción da nosa identidade
(lingua,cultura,símbolos) as seleccións galegas despareceron.É por iso que dende Galiza Nova Fene, aproveitando
o Mundial de Fútbol 2010, e a gran cobertura mediática que se lle da, organizaremos un partidiño reivindicativo
das seleccións nacionais deportivas galegas.

O vindeiro SABADO, 12 de XUÑO de 2010, ás 19.00h no Campo do Ramo, en Barallobre, Fene,
xogarán Galiza e Colombia.

A selección galega estará formada por mozos e mozas de Fene e comarca, mentres que a de Colombia
estará formada por veciños colombianos residentes en Fene.

A entrada é de balde e ao remate se servirán unhos pinchos para tódolos asistentes.
Somos galegos e galegas.Que a historia siga avanzando.

Seleccións oficiais galegas xa !!

GRAZAS A TODOS E TODAS !!

2010-06-01T12:48:00.001+01:00

ÉXITO. O pasado Sábado 29 de Maio, o paseo marítimo de San Valentin acolleu o festival Xuntos e Xuntas por Astano. A pesares de que a hora prevista de comezo era á 13.30h, a partir das 12.30h en plena proba de son de "Los Tigres del Cañotas" a afluenza de público comezaba a ser masiva.Era un anticipo do que despois ocorrería. Os veciños e veciñas amosaban unha vez máis que o seu compromiso e o de Galiza Nova eran un mesmo.

Suso Balado,de "Los Tigres del Cañotas"

Despois da animada sesión vermú, na que unha vez máis os Tigres sorprenderon actuando cun buzo de Astano, chegaba a hora do xantar. A carpa, con 300 cadeiras, se quedaba pequena, e a xente xantaba nos bancos e xardíns do paseo marítimo.

Imaxes da carpa ateigada

Despois do Xantar, chegarían as intervencións de Manuel Polo e Francisco Jorquera-

Intervención de Polo

Intervención de Jorquera

O café e o chupito estaría amenizado pola Charanga "Galiza Sound Machine"

Galiza Sound Machine

Xa pola tarde, sería o turno das actividades infantis.

Helene Veiguela, cos murais pintados polos nenos

Actuación das Bolboretas de Barallobre

Ás 22.00 Xurxo Souto presentaba o festival musical

E a festa duraría até as 6 da mañá.

Arredemo,Punkomido,Membrillo Fanegas,Estimaba que Viñeras, e os Dj Josy da graver e Borja Martinez-Gavo Vázquez

Moitas Grazas a todos e todas.Os que colaboraron con nós na organización, por suposto os que acudiron, que foron moitos e tamén a tódos grupos e artistas que colaboraron desinteresadamente.

Un éxito de todos.

Un saúdo.

Alberto Garcia.Responsabél GN Fene.

PRESENTACIÓN AOS MEDIOS

2010-05-22T14:22:00.001+01:00

Inés Roca, concelleira en Fene e responsabél de mocidade na executiva comarcal e Alberto Garcia, responsabél local de Galiza Nova, presentaron esta mañá aos medios os actos que terán lugar o vindeiro Sábado, 29 de Maio de 2010 dende ás 12 da mañá e durante todo o día, no paseo marítimo de San Valentín, Fene. “San Valentin e o asteleiro sempre estarán vencellados, que mellor localización
para este festival que un barrio que naceu da man de Astano “ destacaron os organizadores.

Segundo Alberto Garcia, “a dia de hoxe nin se quera se lle trasladou á comisión europea a posibél reapertura do expediente que pesa sobre a antiga Astano, como recoñeceu fai unhas semanas, o comisario de competencia Joaquin Almunia”
O responsabél de Galiza Nova lembrou o traballo realizado polo BNG, tanto a nivel institucional, dende o concello ata o parlamento europeo, como “polos actos e actividades de todo tipo que organizamos nestos seis meses, ese é o auténtico compromiso, como sempre tivemos e teremos.
Ahí está o nacionalismo fronte a Zapatero e o seu goberno, fronte aos sindicatos de ámbito estatal, a xunta do PP ou os alcaldes de Fene e Ferrol. O noso compromiso tamén é dos veciños e veciñas.Xuntos e Xuntas estaremos o vindeiro 29 de Maio berrando unha vez máis que sabemos e queremos
construír barcos”

A concelleira nacionalista destacou como “necesario acadar o levantamento do veto como medida anti-crise”. Esta medida “incentivaria a economía local, e sectores coma hostelería, pequeno comercio ou empresas auxiliares, que se atopan nunha situación precaria, se verian beneficiadas”
A responsabél de mocidade dixo que “nun momento de crise coma o actual, o desemprego afecta a homes e mulleres de tódalas idades, mais se cadra os mozos e mozas son os principais afectados”. Asi mozos preparados, con formación e capacidade “aumentan dia a dia as listas do paro, ou ben se ven obrigados a emigrar mentres as instalacións de Astano permanecen ociosas por un veto político inxusto”
“No BNG xunto con Galiza Nova, faremos todo o posibél por acadar o levantamento do veto.
Apoiaremos tódalas iniciativas que nos axuden a conquerir ese obxectivo, como amosamos cando traballamos e apoiamos decididamente á Plataforma Rumbo 21” .

Falando de Rumbo 21 rematou Inés Roca a súa intervención, denunciando que “as máis de 18000 sinaturas recollidas na ILP fican paralizadas por enmendas do PP e PSOE no parlamento galego”

Xa para rematar Alberto Garcia destacou que tódolos participantes do festival colaboran de xeito “desinteresado” coa inicitiva “o cal é de agredecer” e por útlimo convidou a “todos e todas a participar, Xuntos e xuntas por Astano!

AXENDA FIN DE SEMANA

2010-05-21T08:43:00.001+01:00

Aproveitando o bó tempo, continuaremos coa presentación do Festival Xuntos e Xuntas por Astano. Esta é a nosa axenda para estes dias :

-> Venres 21

12.00h presentación aos medios, con Alberto Garcia, responsabél local de Galiza Nova; Inés Roca, concelleira en Fene e responsabél de mocidade na executiva comarcal e Héctor Seco, membro do consello local de Fene.

22.00h presentación no Tech Maniños no Pote.

-> Sábado 22

21.00h Presentación na festa do porco ao espeto de San Xoán.

- > Domingo 23

11.30h Presentación no mercadillo de Fene.Venda de tickets para xantar e camisolas.

16.00h Presentación na festa do motor da escuderia sracth fene.

17.00h Presentación no partido de Copa entre o SD Barallobre e o Mugardos, no campo do Ramo.

PRESENTACIÓNS

2010-05-19T21:54:00.001+01:00

Hoxe realizamos a presentación do Festival Xuntos e Xuntas por Astano na emisora municipal, Radiofusión.

Xa podes escoitar o audio das intervencións de Inés Roca (BNG) e Alberto Garcia (Galiza Nova) na seguinte ligazón :

ESCOITA O AUDIO

O Venres ás 12.00h será a presentación oficial para tódolos medios.

FESTIVAL XUNTOS E XUNTAS POR ASTANO

2010-05-19T08:23:00.001+01:00

CAMBIOS-ORGANIZACIÓN E NOVOS GRUPOS !!

Por motivos organizativos Los Tigres del Cañotas actuarán na sesión vermú, a partires das 13.30h.

Pola noite, a orde de actuacións será :

Fenéticos-Arredemo-PunKomido

Estimaba que Viñeras

Membrillo Fanegas

E de Peche, Josy da Graver e Borja Martinez – Gavo Vázquez

XUNTOS E XUNTAS POR ASTANO !!

2010-05-18T15:01:00.001+01:00

O vindeiro Sábado 29 de Maio, Galiza Nova xunto có BNG de Fene organizaremos un festival reivindicativo polo levantamento do veto. Será a partir das 12 da mañá no paseo marítimo de San Valentin (Fene)

Contaremos con actividades para tódolos públicos durante todo o dia para que todo o mundo poda achegarse e participar neste acto có que pretendemos amosar, unha vez máis, o noso compromiso coa comarca, có naval e por suposto có noso futuro.

¿vas quedar na casa?

1 de MAIO

2010-04-29T12:40:00.001+01:00

O vindeiro 1 de Maio, Dia Internacional da Clase Traballadora, a CIG convoca, como cada ano, mobilizacións por todo o país. Na nosa comarca será en Ferrol, con saída ás 12.00h da av. de Esteiro, fronte ao local do sindicato.

Dende Galiza Nova participaremos activamente nesta mobilización, e unha vez máis aproveitaremos a ocasión para reivindicar que o presidente do goberno español, J.L Zapatero, cumpra a súa promesa de levar ante a Comisión Europea a negociación do veto que pesa sobre a antiga Astano.

Ferroltera ZP : Zona Puteada, será de novo o lema da faixa de Galiza Nova o vindeiro sábado. Tamén queremos convidar, a tódos aqueles que teñan a camisola de “ sabemos e queremos construír barcos” a levala á mobilización e amosar asi, unha vez máis, que ferrolterra existe, o naval existe e que temos dereito a un TRABALLO DIGNO E NA TERRA !!

Aproveitando a ocasión, queremos informar de que xa dispoñemos dun novo pedido de camisolas. Se alguén a quere, cómpre dirixirse ao enderezo gmbng@gmail.com indicando nome e talla.Teñen un prezo de 5€.

BENVIDO Mr BLANCO

2010-04-05T10:30:00.001+01:00

O pasado Mércores,31 de Marzo de 2010 Galiza Nova participou, xunto cós compañeiros do BNG nun “comité de benvida” ao ministro de Fomento, José Blanco, na súa visita institucional aos concellos de Ferrol e Fene.

Lembrámoslle que en Astano, sabemos e queremos facer barcos.LEVANTAMENTO DO VETO XA !!

Membros de Galiza Nova xunto cós compañeiros do BNG do concello de Fene, da executiva comarcal e militantes de toda a comarca.

Puentes, o ministro Blanco e de fondo todos nós coa faixa que rezaba LEVANTAMENTO DO VETO !!

Blanco “pasa” de Jesús Varela, membro de Rumbo 21, mentres o alcalde de Ferrol, Vicente Irisarri tenta evitar o encontro.

TODOS CON RUMBO 21

2010-03-28T10:18:00.001+01:00

Galiza Nova estivo onte na mobilización convocada pola plataforma Rumbo 21 que dende o peirao de Curuxeiras chegaba á Praza de Armas preto do mediodia.

Milleiros de persoas reivindicaron unha vez máis o levantamento do veto e que o presidente do goberno español, Jose Luis Rodriguez Zapatero, cumpra a súa promesa de levar a negociación a Bruxelas.

Coma ven sendo xa habitual, CCOO , UGT, PSOE e IU non apoiaron o berro da nosa sociedade, e unha vez máis amosan onde estan os seus intereses, lonxe da nosa comarca.

Xa na praza de armas, foi Manolo Rivas o encargado de ler o manifesto, que remataba deste xeito : “a alma de Galicia ten forma de barco, feito en Ferrolterra. Imos reconstruir esa nave para surcar o futuro”

FERROLTERRA ZP: Zona Puteada

2010-03-25T15:05:00.001Z

NOTA DE PRENSA

Galiza Nova chama á mobilización masiva na defensa do naval
· A organización xuvenil do BNG amosou nun comunicado o seu 'apoio total' á mobilización convocada pola Plataforma Rumbo21
· A Dirección Nacional de Galiza Nova arroupará á comarca de Ferrolterra
Galiza Nova, organización das mocidades do BNG, vén de manifestar o seu apoio 'total e sen condicionantes' á mobilización convocada polo Plataforma Rumbo21.
'O sector naval é un dos focos máis importantes da nosa actividade industrial e unha peza clave no desenvolvemento social e económico da comarca de Ferrolterra' sinalou Iago Varela, Responsábel Comarcal de Galiza Nova. “Por iso, esiximos a volta á construción naval de Astano, para que as súas instalacións sirvan para construír, transformar e reparar barcos' engadiu.
Dende a organización nacionalista lembran que 'a defensa do naval é unha reivindicación histórica de Galiza Nova nesta comarca', polo que esta semana están a desenvolver unha intensa campaña informando sobre o seu posicionamento e repartindo pegatinas co lema “Ferrolterra ZP: Zona Puteada. Defendamos o sector naval'.
'Facemos un chamamento á mocidade da comarca a participar masivamente na manifestación do sábado', concluíu Iago Varela, quen lembrou a participación no acto da Dirección Nacional de Galiza Nova, encabezada pola Secretaria Xeral, Iria Aboi.

POLO LEVANTAMENTO DO VETO

2010-03-20T14:54:00.001Z

Galiza Nova estará o vindeiro Sábado 27 de Marzo ás 12.00 no porto de Curuxeiras ( non de Caneliñas) na mobilización convocada pola plataforma Rumbo 21.

O nacionalismo galego Pola creación de emprego, en defensa do noso futuro, levantamento do veto Xa !!

QUE NON AFUNDAN O NOSO FUTURO !!

2010-03-13T14:44:00.001Z

Que non afundan o noso futuro. Dende Galiza Nova Fene esiximos ao goberno do estado español que inicie as negociacións para o levantamento do veto da antiga Astano. O futuro de Fene e o de toda a comarca están en xogo, o noso futuro está en xogo.

Este é o resultado do mural que restauramos no dia de onte na av. das pías,baixo a igrexa de Perlío.

Galiza Nova estará o vindeiro Sábado 27 de Marzo na gran mobilización convocada pola plataforma Rumbo21 que sairá ás 12 da mañá dende o porto de Ferrol baixo o lema” Pola creación de emprego, en defensa do noso futuro, levantamento do veto Xa !! “ Agardamos unha masiva presenza de toda a sociedade, especialmente dos mozos e mozas.

ACTOS QUEREMOS GALEGO !!

2010-01-17T18:57:00.001Z

Galiza Nova Fene participou onte no acto simbólico convocado pola plataforma QUEREMOS GALEGO no edificio da Xunta, en Ferrol.

Ademáis de Galiza Nova, estiveron representadas as XSG, Comités, A Mesa Pola Normalización e Xuventude Comunista.

Por outra banda, Galiza Nova continua traballando na comarca en colaboración con Queremos Galego para convocar ao maior número de xente posíbel o vindeiro xoves 21 en Compostela, e mañá comezará unha campaña en Ferrolterra coa distribución de material informativo.

En Fene repartiremos material pola rúa máis estaremos no IES FENE e CPI A XUNQUEIRA para informar a tódolos alumnos e alumnas.

Na imaxe podemos ver un dos lemas das diferentes faixas que colgaremos nos centros da comarca.

Máis información en www.queremosgalego.org

Lembra que para anotarse no transporte gratuito debes chamar ao 981 35 87 50 (local comarcal CIGA).

NAS AULAS DA GALIZA, QUEREMOS GALEGO

2010-01-14T18:34:00.001Z

Baixo o lema Nas aulas da Galiza, queremos galego, Galiza Nova está a distribuír material por todas as comarcas e concellos do país chamando á folga no ensino convocada para o vindeiro xoves 21 de xaneiro pola Plataforma Queremos Galego.

A manifestación nacional en defensa da lingua e contra o decretazo do PP sairá ás 11.30h da Alameda de Santiago de Compostela. Neste sentido, desde a nosa comarca habilitaranse cando menos dous autobuses:
- Un deles sairá de Ferrol ás 10h (Teatro Jofre)Para reservar praza é preciso chamar ao local comarcal da CIG, cuxo teléfono é: 981 35 87 50
- O outro autobús sairá ás 9.30h de As Pontes (Local da CIG), pasando por Cabanas-Pontedeume. Para reservar praza neste autobús hai que chamar ao 981 451 510

No enderezo web de Queremos Galego -> ENTRAR <- podes atopar máis información referente aos autobuses que sairán dende distintos puntos do pais ,asi como descargar todo o material editado pola plataforma para a folga.

Por outra banda, Galiza Nova ven de sacar á rúa unha nova edición do voceiro de ensino medio LUME. Se todavía non o tes e queres recibilo escribe ao enderezo galizanovafene@gmail.com

Non deixes de visitar o noso web asi como a web nacional www.galizanova.org no que atoparás información actualizada.

PAREMOS O DECRETAZO

2010-01-08T10:21:00.001Z

PAREMOS O DECRETO CONTRA O GALEGO.

Folga xeral no ensino. 21 de xaneiro.

A plataforma Queremos Galego convocou as comunidades educativas para un paro xeral no ensino o 21 de xaneiro, como contestación ao decretazo. A agresión é histórica, sen dúbidas a máis forte contra o idioma propio en toda a etapa democrática. Por iso é tan importante que nos impliquemos todas as persoas con sensibilidade pola nosa cultura, independentemente da lingua que falemos no día a día, para facermos do 21 de xaneiro unha data tamén histórica na resposta social.

Alberto Núñez Feijóo sabe que este decretazo non conta co respaldo nin das familias nin do profesorado nin do estudantado. Por iso o presentou no medio das vacacións, na véspera de fin de ano, á última hora do serán e mudando in extremis tamén o lugar de reunión do Consello da Xunta, por vez primeira na lexislatura. Só lle faltou facelo de noite e no medio dunha fraga perdida.

Co seu característico discurso cínico, Alberto Núñez Feijóo bautizou o disparate como “decreto do plurilingüismo”, cando a realidade é que con esta proposta non se poden mellorar as competencias comunicativas de ningún dos tres idiomas indicados.

A propaganda sobre a aprendizaxe do inglés é unha burla tremenda, porque se vende un suposto “trilingüismo” que, á marxe doutras consideracións, é imposíbel de aplicar en case toda Galiza. Así o recoñece a disposición transitoria primeira deste decreto, que sinala que mentres non haxa profesorado capacitado para dar aulas nesta lingua foránea, iso non se fará. Esa disposición adicional acaba anulando todo o dito no resto do articulado. Coas falacias sobre o inglés o que tentan é confundir á opinión pública e camuflar esta navallada contra o idioma de Galiza.

No caso do castelán e do galego, é obriga do Goberno garantir que os estudantes finalicen cada etapa educativa con competencias nas dúas linguas oficiais. No entanto, iso non se está a conseguir para o idioma propio, tal e como o corroboran estudos e informes realizados polo Consello Escolar de Galiza, o Instituto Nacional de Estatística, o Consello da Cultura Galega ou a Real Academia Galega.

O último censo de poboación e vivendas sinalaba que un 20% dos rapaces e rapazas entre 14 e 19 anos son analfabetos funcionais en galego. A Xunta, en lugar de axudar a resolver este gravísimo problema, profúndao e crea outros novos. Como se pode entender que, ante esta situación, o que se propoña sexa xusto reducir a presenza da lingua propia no horario escolar?

O outro eixo da propaganda deste decreto é que disque ofrece a “liberdade” dos pais para escolleren que materias se impartirán en que linguas a través de consultas. Así, a Xunta fai deixadez das súas funcións, trasladando as súas responsabilidades ás comunidades educativas, abrindo unha fonte de enormes conflitos mesmo entre familias.

Mais se non nos guiamos pola cínica grandilocuencia da Xunta e imos ao texto do decreto veremos en que consiste iso en realidade. En educación infantil, disque a maioría decidirá a lingua vehicular e non se sabe que é o que pasará coas familias que saian perdedoras desa votación. Ademais, as consultas ás nais, aos pais ou aos titores serán cada catro anos, de forma que un opina sobre a educación dos fillos dos demais e viceversa. Un auténtico disparate.

Fronte á imposición unilateral de Núñez Feijóo, as comunidades educativas reclamamos que se escoite a nosa voz. O presidente da Xunta debería lembrar que o decreto aínda en vigor contou co respaldo dos sindicatos que representan ao 90% do profesorado, a federación de ANPAs públicas, todas as organizacións estudantís e todos os movementos de renovación pedagóxica. O seu decreto contra o galego, ao contrario, non xera máis que rexeitamento. Se non o lembra, lembrarémosllo o 21 de xaneiro.

Este decretazo ímolo tombar!

GN NA COMARCA

2010-01-02T19:14:00.001Z

Galiza Nova continúa a espallarse pola nosa comarca, a derradeira localidade na que se constituiu a organización xuvenil nacionalista é Valdoviño.

Para dar conta das súas actividades GN Valdoviño ven de abrir unha bitácora na rede onde informar e estar en contacto con tódolos moz@s que o desexen.

No enderezo web http://galizanovavaldovinho.blogspot.com/ atoparás máis información.

Do mesmo xeito, GN Ferrol inaugura tamén a súa bitácora no enderezo http://galizanovaferrol.blogspot.com/.

Non dúbides en visitarnos na rede a través das bitácoras locais da comarca,na renovada web nacional http://www.galizanova.org/ ou a través do noso FACEBOOK.

GALIZA NOVA QUERE GALEGO !!

2009-12-29T15:46:00.001Z

Galiza Nova participou esta mañá no envío masivo de postais ao presidente da Xunta de Galiza, Alberto Núñez Feijóo, nun acto convocado pola plataforma Queremos Galego.

No acto, que tivo lugar ás 11 da mañá nas oficinas de correos de Ferrol os voceiros da Plataforma, Fran Rei e Carlos Outeiro,fixeron entrega das postais reivindicativas.

GALIZA NOVA apoiará tamén a concentración nacional que mañá mércores terá lugar na Praza do Obradoiro de Santiago ás 17.00h.

SELECCIÓNS GALEGAS !!

2009-12-22T14:45:00.001Z

O vindeiro Luns, 28 de Nadal o Bloque Nacionalista Galego organiza, xunto con Galiza Nova unha concentración na praza do Obradoiro reivindicando as seleccións deportivas galegas.

A chegada do PP ao poder significou a eliminación inmediata de tódalas citas das nosas seleccións, calqueira que sexa a súa disciplina deportiva. Unha vez máis os conservadores amosan a súa actitude con respecto á nación galega e a súa simboloxía. A lingua, a cultura, o deporte, ¿que será o seguinte?

Se queres reivindicar o noso dereito a disfrutar da galega únete a nós e acode o vindeiro luns a partires das 12H á praza do Obradoiro coa tua camisola da selección.

HAI ALTERNATIVA !!

GN Fene coa plataforma QUEREMOS GALEGO !!

2009-12-19T16:02:00.001Z

Como ben sendo habitual en cada convocatoria, Galiza Nova apoiará unha nova concentración da plataforma Queremos Galego na bisbarra de Ferrol.

QUEREMOS GALEGO acordou realizar unha concentración en contra da reducción da presenza do noso idioma no noso ensino. Todo indica que está próxima a materialización da ameaza do PP con respecto á presentación dunha proposta de novo decreto para regular a presenza do galego no ensino. Esta proposta arrobaría co actual decreto de xeito negativo para o proceso de normalización da nosa lingua.
A concentración realizarase o día seguinte a aparecer nos medios de comunicación esa proposta de novo decreto. Preténdese facer en todas as cidades galegas. En Ferrol realizarémola fronte ao edificio da Xunta de Galiza ás 6 do serán.

Solicitamos a vosa colaboración na difusión desta iniciativa e un esforzo na presenza do maior número de persoas posíbel así como especialmente de crianzas. Non é este un problema exclusivo do eido do ensino, é unha ameaza moi importante para o proceso de normalización do noso idioma.

Este domingo día 20 a plataforma QUEREMOS GALEGO instalará unha mesa de recollida de apoios para a campaña de envío de postais de nadal ao Presidente da Xunta de Galiza. Tamén se difundirá material da plataforma: postais, pegatinas para os vidros dos autos e normais así como bandeiras. Acude a recoller material para a súa difusión no teu entorno. Será no feirón de Ferrol ao longo da mañá do domingo.

Este material tamén está á túa disposición en:

Ateneo ferrolán: Entre as 11:30 - 13:30 h e as 17 - 21 h.

BNG (no local do Grupo Municipal de Ferrol, na Casa do Concello de Ferrol): Entre as 10 e as 14 h.

CIG-Ensino (dentro do local comarcal da CIG): Entre as 10 - 14 h e as 17 - 20 h.

SOLIDARIEDADE CON AMINATOU HAIDAR

2009-12-04T08:34:00.001Z

O Bloque Nacionalista Galego de Ferrol decidiu convocar un acto de solidariedade coa activista saariana Aminatou Haidar quen desde o 15 de Novembro está en folga de fame para reclamar os seus lexítimos dereitos -o seu retorno en liberdade ao Sáhara-, pisoteados polo Goberno marroquino coa lamentábel cumplicidade das autoridades españolas.

Este acto,que por suposto apoiaremos dende Galiza Nova, se celebrará hoxe venres, 4 de decembro as 19:30 horas na praza de Armas de Ferrol coincidindo coa visita que o ministro de Xustiza realiza a nosa cidade e como xeito de reclamar ao Goberno español que encontre a solución a este problema, que desfaga a lea en que el mesmo se meteu.

Para o BNG a solución que se lle pode dar é exactamente a que está a demandar Aminatou Aidar. O Goberno español é cúmplice do que está a pasar. É evidente que actuou con conivencia con Marrocos. Cremos que o Goberno Español ten que exixir con clareza a Marrocos que lle devolva o seu pasaporte á señora Aidar.

Así mesmo e aproveitando a condición de Ministro de Xustiza o BNG considera escandaloso que se impuxera unha multa a Aidar -a instancias da dirección do Aeroporto de Lanzarote- e afirmou con clareza que demostra a falta de sensibilidade das autoridades españolas.

O Bloque Nacionalista Galego continúa a apoiar o dereito de autodeterminación que asiste ao pobo saariano e lamenta que o goberno español, os sucesivos gobernos españois, teñan abandonado esta xusta causa. Para nós o pobo saariano está oprimido por Marrocos e ten perfecto dereito a que se cumpran as resolucións de Nacións Unidas e a ser independente.

AUTODETERMINACIÓN !!

2009-12-03T11:55:00.001Z

Alfonso Daniel R. Castelao afirmaba na súa obra Sempre en Galiza que: “unha nación é unha comunidade estábel, historicamente formada de idioma, de territorio, de vida económica e de hábitos psicolóxicos reflexados nunha comunidade de cultura. Somentes a existencia de todos
estes signos distintivos, en conxunto, pode formar a nación”.

É evidente que Galiza é unha nación, mais que non conta con dereitos políticos para poder decidir libremente o seu futuro.O marco constitucional e autonómico vixente nega os nosos dereitos colectivos. Isto impide que poidamos artellar políticas propias a nivel económico na defensa dos nosos sectores produtivos,no desenvolvemento dun marco galego de relacións laborais, no ordenamento e protección do noso medio natural, no impulso das seleccións deportivas propias ou no desenvolvemento da nosa lingua e cultura con normalidade no noso propio territorio.

Hoxe, como vén facendo o nacionalismo galego durante toda a súa historia, opoñémonos á Constitución española porque nega a existencia da nación galega e o dereito de autodeterminación,imprescindíbel para o desenvolvemento do noso futuro e para non estar sometidos á presión ou ás inxerencias alleas á propia vontade das galegas e galegos.
As mozas e mozos galegos non imos celebrar unha Constitución sacralizada polo PP e polo PSOE que, despois de máis de 30 anos, só serve para agravar os nosos problemas: desmantela as bases da nosa economía, provoca uns niveis de paro e precariedade escandalosos entre a xente nova, favorece a destrución dos nosos recursos naturais ou deteriora o ensino público.
Non imos celebrar unha Constitución que lles atribúe ás forzas armadas “a misión de defender a integridade territorial de España”. Non imos celebrar unha Constitución que nos priva de liberdade e dos nosos dereitos democráticos máis elementais, como o dereito a vivirmos en galego. No Estado español non todas e todos somos iguais, nin tampouco todas as linguas e culturas gozan dos mesmos dereitos. Só hai unha lingua, o español, que todas as cidadás e todos os cidadáns “teñen o deber de coñecer e o dereito de usar”.

A nosa lingua propia, ogalego, non conta con este recoñecemento e padece unha discriminación a nivel social e xurídico evidente. Os ataques que a lingua galega está a sufrir por parte do Partido Popular na Xunta de Galiza veñen amparados por esta desigualdade xurídica da nosa lingua e favorecen a situación de racismo lingüístico que se vive na Galiza. A modificación da Lei de función pública, o uso deturpado da nosa toponimia ou a derrogación do Decreto 124/07 no ensino son algunhas das consecuencias desta desigualdade legal do galego fronte ao español.

Desde Galiza Nova, organización xuvenil do BNG, somos conscientes de que en Galiza non estamos de aniversario e de que só avanzaremos nos nosos dereitos coa mobilización e a implicación de todas e todos. A defensa da lingua galega significa a defensa de Galiza como nación e, por iso, nas vindeiras semanas as mozas e mozos sairemos á rúa en contra do Partido Popular e das políticas que buscan a eliminación da nosa lingua propia. Así que súmate á defensa
da nosa lingua, súmate á defensa de Galiza!

25-N DIA CONTRA A VIOLENCIA DE XÉNERO

2009-11-27T08:21:00.001Z

GALIZA NOVA , como non podia ser doutro xeito,estivo apoiando á Marcha Mundial das Mulleres no acto comarcal contra a violencia de xénero organizado por este colectivo o pasado Mércores 25 de Novembro na praza do Ameneiral, Perlio, Fene.

Imaxe da Faixa desplegada por Galiza Nova baixo o lema “ REVIRATE CONTRA A VIOLENCIA DE XÉNERO”

SUBVENCIÓNS AO MOVEMENTO ASOCIATIVO : SOLUCIÓNS XA !!

2009-11-26T10:27:00.001Z

Dende Galiza Nova Fene, queremos denunciar a actitude de abandono do goberno municipal ao movemento asociativo do noso concello.

A estas alturas de ano, o concello non ten realizada a convocatoria de subvencións cara o presente ano nin ten resoltos os pagamentos das subvencións nominativas do presente exercicio.

A alarma saltou cando hai tan so uns días o goberno comunicou a través do edil de facenda e a edil de cultura e deportes a imposibilidade de pagar as subvención nominativas para este exercicio o que se contradí totalmente coas verbas do Alcalde ao respecto da escasa importancia de prorrogar as contas do exercicio 2008.

O concelleiro nacionalista Edgar Vigo (anterior concelleiro de cultura) proporá que a concellaría de Cultura e Deportes elabore con urxencia as bases para a convocatoria de subvencións ordinarias do ano 2009. Ao mesmo tempo, os nacionalistas de Fene instarán á alcaldía a pagar as subvencións nominativas que figuran nas bases de execución do orzamento do 2008 e que actualmente se atopa prorrogado.

Para o BNG e GALIZA NOVA existen solución técnicas e políticas a este problema pero o que non existe é vontade por parte do gobernó local en apoiar decididamente ao movemento asociativo Fenés.Unha vez máis atopámonos coa diferenza latente entre o discurso do alcalde e a realidade.

Desbloqueo Xa ! Moitos dos eventos que se realizan tradicionalmente en Fene non teñen garantido a súa celebración para o vindeiro ano por falla de recursos, algúns de grande éxito como pode ser o FeneRock.

Foto do alcalde socialista, Iván Puentes co lema “ Otra Forma de gobernar”

CONTRA A VIOLENCIA DE XÉNERO

2009-11-14T15:34:00.001Z

GALIZA NOVA Fene informa da celebración do acto nacional contra a violencia de xénero por mor do Dia internacional da eliminación da Violencia contra as mulleres (25-N).

Será o vindeiro Sábado 21 de Novembro no Hotel AC Palacio do Carme, Santiago de Compostela, a partires das 12.00h.

QUEREMOS GALEGO !!

2009-10-08T14:34:00.001+01:00

GALIZA NOVA FENE apoiará hoxe a ruada que a plataforma QUEREMOS GALEGO organiza en Ferrol esta tarde en defensa da nosa lingua. Será na praza de armas, ás 19.00 h.

Este será un dos actos previos á gran manifestación popular que terá lugar en Compostela o vindeiro 18 de Outubro.

Para máis información non dubides en visita-la web www.queremosgalego.org

Ficas convidad@

DIA DA GALIZA MÁRTIR

2009-08-10T10:27:00.001+01:00

O vindeiro Venres , 14 de Agosto ás 19.00h no monumento a Alexandre Bóveda en Narón, Galiza Nova de Ferrolterra organiza un acto de homenaxe que contará coa presenza de Iago Varela e Francisco Rodríguez.

Ficas convidado !!

PRESENTACIÓN DE GALIZA NOVA EN FENE E FESTIGAL 2009

2009-07-13T19:23:00.001+01:00

Galiza Nova, a organización xuvenil do BNG, presentou hoxe en rolda de prensa ao novo Responsábel Local de Galiza Nova en Fene, Alberto García, que estivo acompañado polo Responsábel Comarcal da organización, Iago Varela.
Na súa intervención, Alberto García fixo fincapé nos retos que Galiza Nova ten por diante no concello fenés, onde “non se está a dar unha resposta acaída ás necesidades da mocidade”. Segundo amosou o novo Responsábel Local, unha das primeiras demandas da organización xuvenil do BNG nesa localidade irá nese sentido, se ben precisou que tamén levarán a cabo actos lúdicos, como un concerto con bandas noveis.
“Estamos a cumprir as nosas espectativas de espallamento por toda a comarca” indicou Iago Varela, que se amosou satisfeito, xa que segundo afirmou “nos concellos onde Galiza Nova ten presenza, estase a defender á mocidade”.

Festigal
O Responsábel Comarcal, Iago Varela, tamén deu conta das actividades que se levarán a cabo no Festigal, o evento co que Galiza Nova celebra en Santiago o Día da Patria, entre as que destacan os concertos de varios grupos, os debates e as presentacións de libros.
“O Festigal segue a ser un referente da cultura galega e en galego” afirmou Varela, quen convidou a toda a mocidade da comarca a asistir.

Etiquetas de Technorati: Galiza Nova,Fene,Festigal

FESTIGAL 2009

2009-07-06T19:42:00.001+01:00

Un ano máis enmarcado nas actividades para o día da Patria chega o Festigal: 48h de música tendencias e diversidade. Desta volta como en ocasións anteriores poderás atopar entre outras propostas a Galería de Cultura Tradicional, con diversos obradoiros e actividades como a loita galega, a Galería das Ideas con interesantes coloquios, a Galería Audiovisual con proxeccións continuas de curtametraxes e documentais. Así mesmo tampouco van faltar os concertos tanto o 24 como o 25 á noite, que este ano contarán cunha importante presenza de grupos galegos como mostra do apoio á música e a lingua da nosa nación, ante as políticas de ataque ás mesmas que está a desenvolver o PP dende o goberno da Xunta. O Festigal son dous intensos días de diversión, formación, convivio nos que tamén podes participar con Galiza Nova nas tarefas organizativas anotándote no nacional@galizanova.org

Non tes escusas para non acudir, agardámoste no Campus Sur de Compostela.

FESTIGAL 2009

24 e 25 de Xullo de 2009 / Avance de programación

Campus Universitario Sur. Santiago de Compostela

Programación continua dende o día 24 ás 12 h / Entrada de balde

Máis de 30 carpas para todos os públicos

VENRES 24 _ 23h

CHAMALLE XIS- Galiza

OS JOHN DEERES - Galiza

http://www.myspace.com/osjohndeeres

Finalistas de concursos como "A Coruña Son" e "GzCrea".

Son unha banda de rock clásico con pinceladas de hard rock e psicodelia.

SOM DO GALPOM - Galiza

http://www.myspace.com/somdogalpom

Presentan o seu primeiro disco despois de ter realizado perto de 100 concertos en dous anos e medio que teñen de existencia. Funky/reggae/rap

DJ CLICK LIVE - Franza

http://www.youtube.com/watch?v=y9YPUiq810c

A reputación de DJ Click sobre o escenario é inmellorable, tanto en solitario como acompañado. Mesturando pratos, theremin, caixas de ritmo e scratches é un dos DJ máis aventureiros, especializado en fusión de jazz e world music con inflexións electrónicas. En vivo vai acompañado por músicos de Rumanía

SÁBADO 25 _ 22h

DESCARGA AO VIVO (Cuba/Galiza)

http://www.youtube.com/wath?v=BXkh52Xv3KU Espectáculo que xunta artistas de Galiza e Cuba nunha proposta escénica de música instrumental, canción e danza. Tres únicas actuacións en Galiza.

KATEMBE PROJECT- Angola

http://www.myspace.com/katembeproject KATEMBE PROJECT nace coa idea de difundir o “KUDURO”, un estilo musical orixinal de Angola, que actualmente está arrasando en todo o mundo. O KUDURO é o resultado do choque entre a música tradicional angoleña (semba, kizomba) e a música electrónica occidental (house, electro, techno).

OS TRES TREBÓNS E AMIGHOS, A GRANDE TREBOADA- Galiza

Galería das Ideas

Debates sobre O FUTURO DA MÚSICA GALEGA, a CRISE ECONÓMICA, o DEREITO AO ABORTO e A LINGUA GALEGA

Galería das Letras

Librarias e Editoriais:

ANDEL DO LIBRO DE VIGO / A PALABRA PERDUDA DE SANTIAGO/ PEDREIRA DE SANTIAGO / OQO / RINOCERONTE / URCO / A NOSA TERRA / GALAXIA

Sinatura de libros e presentacións, entre outros de:

“O natural é político”, de Teresa Moure
“Nos camiños do entusiasmo” de Goretti Sanmartín,
“Una monarquía protegida por la censura” de Iñaki Anasagasti
”A COCIÑA DE LARPEIROS”, de Benigno Campos.

“Piñeiro contra Castelao. Castelao contra Piñeiro” de X. C. Garrido

“Sobre o racismo lingüístico” da editorial Laiovento.

“O REGRESO DE RAMÓN LAMOTE” Conversa con Paco Martín con Víctor F.Freixanes, Xosé A. Neira Cruz e Xavier Senín

EXPOSICIÓN

Crónicas da represión lingüística. Mostra gráfica e audiovisual de Xan Leira

Galería Audiovisual / Programación continua de curtametraxes e documentais / Galería do Software Libre

GALERÍA DA CULTURA TRADICIONAL

Galería infantil / Espazo de animación

Feira de Asociacións

Postos con material de asociacións, ONGs e colectivos diversos.

Galería artesanal

Exposición e venda de artesanía galega

Tendas

Zona de Acampada

Zona de xantar/bar

Postos para xantar e cear os dous días con oferta gastronómica variada

CAFÉ CONCERTO

Organizan

Comisión FESTIGAL + Fundación Galiza Sempre + Galiza Nova

www.festigal.com

O noso orgullo, a nosa loita!

2009-06-29T22:16:00.001+01:00

Dende a súa fundación hai xa máis de vinte anos, Galiza Nova sempre denunciou e actuou para eliminar ás discriminacións que padecen moitas mozas e mozos do noso país pola súa orientación ou identidade sexual e de xénero. O 28 de xuño ten lugar o día do orgullo LGTB e a nosa organización quere poñer de relevo o feito, de que dende o goberno da Xunta, en concordancia co rexeitamento do PP no Congreso dos deputados á unha declaración institucional con esta temática, non se impulsara a celebración desta data. É fundamental que as institucións públicas así como os medios de comunicación contribúan a evidenciar esta problemática para poder seguir avanzando na superación e eliminación dos moitos prexuízos existentes. A pesar de que nos últimos tempos foron significativo os avances rexistrados no recoñecemento de dereitos ao colectivo LGTB ainda fica un bo treito por percorrer para acadar a igualdede. Nese sentido dende Galiza Nova continuaremos traballando e colaborando para que as persoas gais, lesbianas, transexuais e bisexuais especialmente as e os máis novos deixen de sufrir situacións de discriminación e sexan tratadas con respecto.

GALIZA NOVA CONTRA AS TOURADAS

2009-06-19T18:30:00.001+01:00

Os próximos días 19 e 20 de xuño no pazo de exposicións Kiosko Alfonso, nos Xardíns de Méndez Núñez da Coruña, celebrarase o II Seminario Internacional pola abolición da Tauromaquia. Galiza Nova que sempre se manifestou contraria á celebración de touradas en Galiza ademais de pola barbaridade que supón, tamén pola súa clara vinculación co proxecto de colonización cultural español no noso país, foi convidada á participación na mesa redonda onde as organizacións xuvenís políticas puideran amosar a súa opinión. Ante a nula vontade de participar tanto de Novas Xeracións como de Xuventudes Socialistas, e tamén das súas forzas políticas na mesa redonda específica para organizacións políticas, os organizadores: Galiza mellor sen touradas e Cas-Internacional víronse na obriga de facer só un debate. Para todas e todos os que vos poidades achegar esta é unha boa ocasión para amosar a nosa oposición á mal chamada “festa nacional”.

Etiquetas de Technorati: TOURADAS,GALIZA NOVA

ENQUISA DO ENSINO

2009-06-10T00:14:00.001+01:00

Dende Galiza Nova de Fene apoiaremos e defenderemos un ensino público, de calidade e en galego para tódolos moz@s . Por iso, condenamos as intencións que o novo goberno do PP ten pensado levar a cabo en materia lingüística.

O venres 5 de Xuño, a Xunta de Galiza presentou a enquisa que se vai remitir ás familias dos 350.000 alumnos e alumnas escolarizados en Galiza nos niveis de educación infantil, primaria, secundaria e formación profesional e que en teoría ten como propósito inquirir a pais e nais sobre en que lingua prefiren que lles sexa impartido o ensino aos seus fillos e fillas.

Estudado o contido desta enquisa e analizadas as motivacións que levan ao Goberno galego a elaborala, o BNG, có total apoio de Galiza Nova ten que facer as seguintes valoracións:

1.- Estamos perante unha auténtica “consulta trampa”.

Con ela non se pretende máis que dotar ao Goberno dunha coartada para xustificar unha política tracexada xa de antemán: o resultado do inquérito está predeterminado e terá como desenlace a derrogación do decreto sobre o uso do galego do ensino. O PP decidiu no seu día afastarse do consenso sobre o galego (Plano Galego de Normalización Lingüística, aprobado por unanimidade polo Parlamento Galego en 2004).A enquisa tenta lexitimar cun suposto manto de apoio social unha decisión de carácter político tomada antes de chegar ao Goberno e adoptada co único propósito de contentar os sectores máis extremistas do electorado do Partido Popular.

2.- A consulta, que é de carácter voluntario, carece da menor fiabilidade, tanto por como están enunciadas as preguntas como polo feito de que será a Administración, controlada politicamente polo Partido Popular, quen custodie todo o proceso de recolla dos datos. Non existen suficientes garantías de que os resultados non poden ser mesmo manipulados se non fosen do agrado do partido no goberno.

3.- Coa enquisa vaise criar unha tensión innecesaria nos centros de ensino e na propia sociedade galega, innecesaria porque, sexa cal for o resultado do inquérito, o Goberno xa ten anunciado que vai derrogar o decreto nun sentido claramente contrario ao uso da lingua galega no ensino.

4.- Tal e como están enunciadas as preguntas da consulta, todo o máis que poderían demandar os sectores favorábeis ao galego no ensino sería que se mantivese o galego como lingua na que se imparten as materias troncais. En ningún caso se pregunta ás familias se serían partidarias de que o conxunto das materias, e non só as troncais, se impartisen en galego.

5.- O mesmo Goberno que fai proclamas populistas e demagóxicas en favor da austeridade e o control do gasto público vai dilapidar 200.000 euros na realización desta “consulta trampa”, un dispendio impresentábel no actual contexto de precariedade de medios humanos e materiais que caracteriza a situación do ensino público en Galiza.

6.- Por termos en conta as consideracións anteriores, propoñemos marcar a opción “galego” (en Infantil e FP) e “todo en galego” (en Primaria e Secundaria), porque desta maneira estariamos a indicar que queremos en galego as materias que hoxe se deben impartir na nosa lingua, tal e como indica o decreto en vigor. Non significaría, por tanto, que optemos por todo o ensino en galego, pois esta opción non se considera.

7.- Igualmente xulgamos preciso transmitir a nais e pais a necesidade de incluíren no apartado de observacións da enquisa peticións semellantes ás que expresamos a continuación:

Desexaría que o ensino fose en galego, unha opción que non recolle esta enquisa.

Estou a favor da aplicación do decreto actual de promoción e uso do galego no ensino, realizado co consenso da comunidade educativa e que emana do Plan Xeral de Normalización da Lingua Galega, aprobado por unanimidade no Parlamento Galego.

Todo o anterior fai que os resultados desta consulta non me parezan lexítimos.

Dende Galiza Nova de Fene agardamos que tódolos pais e nais reflexionen e actúen en consecuencia.

“ A lingua é o alma exteriorizada dun pobo”

Etiquetas de Technorati: DECRETO,ENSINO,GALEGO

RESULTADOS 7 - X

2009-06-08T08:04:00.001+01:00

GALIZA NOVA DE FENE INFORMA DE QUE A COALICIÓN EUROPA DOS POBOS, ONDE SE INTEGRA O BNG, ACADOU UN REPRESENTANTE NO PARLAMENTO EUROPEO.

CUNHA PARTICIPACIÓN DO 45.81% O BNG OBTIVO O APOIO DO 9.4% DOS SUFRAXIOS.

ANA MIRANDA, SERÁ A EURODIPUTADA DE TÓDOLOS GALEG@S POR ANO E MEDIO.

Por outra banda, informamos de que o sistema de votación electrónica que onte se estaba a probar, entre outras cidades, en Pontevedra ,funcionou correctamente. Polo tanto, cómpre esperar que pronto poidamos ter o sistema en todo o territorio o que suporá un aforro de papel, persoal, tempo e por suposto, maior comodidade.

Etiquetas de Technorati: EUROPEAS 09,ANA MIRANDA,BNG

PECHE DE CAMPAÑA

2009-06-03T22:35:00.001+01:00

Galiza Nova de Fene informa de que o vindeiro Venres, 5 de Xuño, no C.C.R.D de Perlío terá lugar o acto de fin de campaña do BNG. Será as 20.30 h e contará coas intervencións de :

Manuel Polo Gundín

Portavoz do grupo municipal do BNG no concello de Fene

Francisco Rodríguez

Membro da executiva nacional

Helena Veiguela

Candidata ao Parlamento Europeo

Ficades tod@s convidados !!

Etiquetas de Technorati: BNG,Fene,Europeas 09

NOVAS

2009-06-02T13:01:00.001+01:00

Dende Galiza Nova de Fene queremos informar a tódolos moz@s de que hoxe martes, a partir das 12:00 horas, terá lugar o inicio da campaña da recollida de sinaturas en defensa da reactivación de ASTANO.

A mesa estará instalada na Praza de Armas (Ferrol) de 12:00 a 14:30 horas e de 18:30 a 21:30 horas.

É moi importante que todas as persoas que poidan pasar hoxe a asinar a Iniciativa Lexislativa Popular o fagan, xa que é o punto de partida e un bó termómetro para medir o apoio social que vai ter esta iniciativa.

Por outra banda , comunicamos a tódolos moz@s que están cursando ou van cursar estudos universitarios, asi coma a tódolos pais e nais dos rapaces que o vindeiro Xoves, 4 de Xuño a CIG-ENSINO FERROL convoca unha conferencia – coloquio no salón de actos do IES Concepción Arenal de Ferrol sobre o Plan Boloña. Será ás 20.00h e contara con Xulio Ferreiro Baamonde, profesor na universidade da Coruña.

REPARTO DE MATERIAL

2009-06-01T22:02:00.001+01:00

O I.E.S de Fene foi escenario esta mañá dun acto de reparto de material e pegada de carteis nos taboleiros e corredores do centro.

Galiza Nova de Fene lembra que , nestas eleccións europeas tódolos mozos e mozas que apoien o BNG, estarán apoiando a defensa dos intereses de Galiza na UE, un novo modelo de UE, dos pobos, social e democrática,de igualdade, de paz, de respecto ós dereitos humanos e que avance nos dereitos e liberdades individuais.

Neste contexto de crise, apoiar ó BNG será tamén opoñerse ó modelo neoliberal da actualidade, será garantir a defensa dos nosos sectores productivos, coma o naval e por suposto será defender un modelo de desenvolvemento sustentábel.

Compañeiras e compañeiros, non podemos deixar que alí onde se tomarán as decisións que marquen o noso futuro sexan outros os que decidan polas galegas e polos galegos.

Ánimo e adiante có BNG!!

PARA QUE GALIZA CONTE

2009-06-01T12:45:00.001+01:00

NOTA DE PRENSA

Luns, 1 de Xuño de 2009

Galiza Nova chama á mocidade da comarca a votar “masivamente” ao BNG.
Galiza Nova, a organización xuvenil do BNG, fixo hoxe un chamamento a toda a mocidade da comarca para que acudan ás urnas o próximo domingo a votar polo BNG
por ser “a única alternativa para que Galiza conte en Europa”.
Iago Varela, Responsábel Comarcal de Galiza Nova explicou que “o tempo deu á razón ao nacionalismo galego, que dende sempre criticou o fracaso do actual modelo económico e social da Unión Europea”.
Neste sentido, dende Galiza Nova cren que é preciso apostar por políticas que non degraden as condicións laborais das traballadoras e traballadores e que defendan os servizos públicos, como o ensino ou a sanidade.
En palabras do Responsábel Comarcal, “O BNG traballará a prol dunha política antagónica á mercantilización e elitización da universidade pública que supón a implantación do Plan Boloña, así como tamén para que os nosos estaleiros volvan
construír barcos”.
“A única alternativa para avanzar en dereitos e na creación dun novo modelo social e económico alternativo ao neoliberal é a lista encabezada por Ana Miranda”, sentencia Varela.

CHARLA NAS PONTES

2009-05-30T00:08:00.001+01:00

Galiza Nova Fene estivo presente na charla – debate organizada polos compañeiros de GN As Pontes sobre Boloña e o novo marco da educación universitaria europea.

A Casa Dopeso de As Pontes acolleu esta iniciativa para informar a tódolos moz@s , pero tamén a tódolos pais e nais sobre o novo modelo de universidade que se vai impoñer.

O acto foi un éxito de público e participación da cidadanía pontesa, e contou coa participación de tódolos colectivos implicados, os estudantes,a universidade e o profesorado, neste caso da universidade da Coruña, por ser a máis próxima á localidade pontesa.

Dende Galiza Nova de Fene, mostramos o noso apoio e a nosa ledicia porque este tipo de actos se leven a cabo, e aproveitamos estas liñas para felicitar ós compañeiros das pontes pola iniciativa e o éxito de organización do mesmo.

GALIZA NOVA, IRATZARRI, JERC

2009-05-29T07:16:00.001+01:00

Galiza Nova, Iratzarri e Jerc, mocidades do BNG, Aralar e ERC asinan un manifesto común de cara ás vindeiras eleccións europeas do 7 de xuño.

O próximo mes de xuño todas as cidadás e todos os cidadáns maiores de 18 anos dos 27 Estados integrantes da Unión Europea estamos chamados ás urnas coa finalidade de renovar a representación das deputadas e dos deputados que integran o Parlamento Europeo.
Ao longo da súa historia o mapa político europeo sufriu múltiples modificacións debido aos novos contextos políticos, económcios e sociais que mudaron a realidade política dos estados europeos e as súas fronteiras. De feito, vemos coma nos últimos 20 anos foron creados até 17 novos estados. O exemplo máis actual atopámolo en Montenegro, país non integrante da UE, que no ano 2008 exerceu un proceso de autodeterminación a partir das regras que fixou a propia UE.
A UE non pode continar obviando esta realidade dinámica negando o recoñecemento da identidade política, cultural e lingüística de todos os pobos de Europa a través de mecanismos claros e transparentes baseados nun proceso político de autodeterminación, dereito colectivo fundamental recollido na Carta das Nacións Unidas, mediante o cal a poboación dun territorio sexa soberana para decidid o seu futuro.
É necesario insistir en que a UE recoñeza o dereito a decidir dos pobos como un dereito básico elemental e un instrumento que asegure a democratización das institucións europeas e a adecuación da realidade política europea, incluídas as fronteiras, coa vontade dos pobos que a conforman.
Polo xeral, as eleccións europeas non suscitaron moito interese na cidadanía europea. Os factores que explican esta situación son diversos, mais un determinante é a sensación entre a cidadanía de que todo aquilo que se fala e se aproba no Parlamento Europeo parece non ter ningunha repercusión directa sobre as súas vidas, sumado a unha sensación de lonxanía debido á pouca importancia e seriedade coa que se aborda por parte dos medios de comunicación e a escasa información sobre as súas funcións e acordos políticos.
O Parlamento Europeo, que conxuntamente co Consello da UE forma a pola bicameral lexislativa das institucións da Unión é un parlamento de carácter consultivo sen iniciativa lexislativa, pero pode presentar emendas e posee dereito de veto en cuestións relacionadas coas competencias cedidas polos estados, relativas, por exemplo, á protección do medio ambiente, dereitos dos consumidores/as, igualdade de oportunidades, política de transportes e dereitos das traballadoras e dos traballadores, políticas sobre capitais, bens e servizos. Porén, as propostas de leis e directivas da comisión teñen que ser aprobadas polo parlamento e polo consello para poder entrar en vigor. Deste xeito podemos ver que é certo que a influencia directa do parlamento europeo sobre as regulacións da vida pública e privada son, en relación cos parlamentos estatais, limitadas.
As diferentes organizacións xuvenís que conformamos a Europa dos Pobos cremos que é moi importante a implicación da mocidade das nosas nacións nas eleccións europeas para conquerir unha maior representación da coalición no parlamento europeo, coa finalidade de orientar Europa cara outro sentido. Desde o seu inicio, o requisito indispensábel dun territorio para formar parte da Unión Europea foi estar conformado como un estado. Deste xeito imposibilítase a participación das nacións sen estruturas estatais na discusión dos asuntos públicos europeos nun marco de igualdade co resto das nacións. Os Països Catalans, Galiza, e Euskal Herria son hoxe nacións sen estado, e polo tanto non teñen representación por si mesmos no Consello de Europa, senón que son os presidentes e ministros dos estados Español e Francés os que os representan, non respostando así ás arelas, desexos e necesidades que como pobos diferenciados temos. Por isto dende a candidatura da Europa dos Pobos, Galiza Nova, Iratzarri e as JERC cremos que é necesaria a construción dunha Europa respectuosa coa diversidade nacional, cultural e lingüística.
Para isto tense que posibilitar un maior prtagonismo das nacións que están na mesma situación cás nosas a través do recoñecemento do dereito á autodeterminación dos pobos que xa forman parte da Unión Europea. Deste xeito as nosas organizacións apostamos polo recoñecemento político dos Països Catalans, Galiza e Euskal Herria no seo da UE a partir do exercicio do dereito á autodeterminación, para poder decidir libremente o noso futuro.
Neste sentido, Iratzarri, Galiza Nova e as JERC tamén queremos manifestar o noso compromiso cunha Europa respectuosa cos dereitos e liberdades democráticas, cunhas relacións internacionais baseadas na paz e na relación igualitaria entre todos os pobos do mundo, opoñéndonos ao imperialismo e pulando por un modelo social que poña por encima dos intereses económicos o benestar das persoas.
Reivindicamos un modelo social que se basee na xustiza social e que faga posíbel a cobertura das necesidades das cidadás e dos cidadáns mediante a protección social e os servizos públicos (atención sanitaria, vivenda, educación...).
As políticas neoliberais están acabando cos dereitos sociais conqueridos a través da mobilización da clase traballadora e da sociedade en xeral, procurando eliminar o mínimo de seguridade e estabilidade a todas as cidadás e cidadáns.
Cremos que se demostrou o fracaso do modelo neoliberal e que é necesario un modelo alternativo a favor das clases populares, compartindo no seo da Unión en contraste a outros sistemas de “protección” onde a individualidade é a característica propia das políticas (como o dos Estados Unidos de América).
En consecuencia, as organizacións asinantes deste manifesto fan unha aposta por unha orde económica e social xusta e solidaria, contraria ao imperialismo, que condena o sometemento, expolio, marxinación, negación e incluso ocupación de moitos pobos do mundo. Apostamos por unha Europa das e dos traballadores, que democratice a economía e redistribúa a riqueza, unha Europa con xustiza social.
Así mesmo, desde a perspectiva xuvenil e tendo en conta a crise económica actual, fai falla unha coordinación na protección social da mocidade como un dos colectivos máis afectados polo desemprego, a inestabilidade e a precariedade laboral e a imposibilidade de desenvolver un proxecto de vida propio libremente.
Por todo isto, Galiza Nova, Iratzarri e as JERC, como organizacións xuvenís da coalición da Europa dos Pobos, propoñemos as seguintes propostas programáticas conxuntas que van nos respectivos programas electorais que fixeron as diferentes formacións xuvenís:
-A adopción de medidas concretas a favor do emprego digno e estábel cuns salarios dignos para a mocidade que teñan como obxectivos:
a) Eliminar a estrutural precariedade do emprego xuvenil, limitando de xeito garantista as modalidade de contrato temporale poñendo en marcha medidas para a supresión das Empresas de Traballo Temporal a nivel europeo.
b) A defensa dunha política de creación de postos de traballo sobre a base do desenvolvemento endóxeno das diferentes economías nacionais que garantan as posibilidades de traballo no propio territorio, especialmente nos sectores produtivos básicos das diferentes nacións.
c) Pularemos para o estabelecemento das 35 horas semanais a nivel europeo para repartir o traballo e mellorar a produtividade.
d) Estabelecer unha fórmula común de cálculo do salario mínimo a nivel europeo para garantir a percepción dun salario digno.
-Recoñecemento pleno do dereito da mocidade a traballar, estudar e vivir no seu propio territorio, como principio rector das políticas para facer fronte ao fenómeno da emigración xuvenil, mudando a actual consideración positiva da mobilidade xeográfica, emigración encuberta, no seo da UE.
-As organizacións xuvenís das forzas políticas da coalición apostamos por unha política universitaria baseada na consideración da universidade como un sevizo público esencial e o dereito como pobo a definir o noso sistema educativo en función das nosas condicións e necesidades, unha política claramente antagónica á mercantilización, elitización, uniformización e españolización da universidade, que supón o actual modelo de EEES.
-Defensa dunha política lingüística e cultural europea que garantice realmente a defensa, igualdade e normalización das culturas e oficialización das linguas minorizadas de todas as nacións sen estado existentes na UE, prestando especial atención á situación desas linguas e culturas entre a xente nova e a garantía dos dereitos lingüísticos e culturais, sobre todo en eidos como o ensino.
-As organizacións xuvenís da coalición apostamos pola extensión de dereitos e liberdades en todos os territorios europeos especialmente no recoñecemento e garantía á interrupción voluntaria do embarazo libre e gratuíta. Tamén consideramos necesarios programas de fomento e respecto das diferentes opcións sexuais, identidade de xénero-sexual, contra o racismo e a xenofobia, o fomento da paz, a non violencia e o antiimperialismo, e a aposta por un modelo económico e social sustentábel.
As organizacións xuvenís da coalición apoiamos a presenza das nosas nacións nas actuais redes de información xuvenil a nivel europeo e instamos á modificación das súas funcións de xeito que deixen de ser instrumentos propagandísticos de politización no modelo actual da UE.
Neste senso, apostamos por garantir o pluralismo, a eficiencia e as facilidades no acceso á información de maior interese xuvenil por parte do asociacionismo xuvenil, prestando especial atención á difusión e perticipación das organizacións xuvenís das nacións sen estado.
Porque outra Europa é necesaria, para levar a voz da mocidade de Galiza, Països Cataláns e Euskal Herria, facemos un chamamento á xente nova das nosas nacións a que apoie a candidatura impulsada por ERC, BNG e Aralar: Europa dos Pobos – Verdes e para que o próximo día 7 de xuño se mobilicen e participen nas eleccións votando por unha Europa dos pobos, social e democrática.

PLAN BOLOÑA

2009-05-28T13:05:00.001+01:00

Dende Galiza Nova de Fene, informamos a tódolos moz@s de que mañá venres 29 de maio ás 20.00h na Casa Dopeso de As Pontes ,os compañeiros de Galiza Nova da localidade, organizan unha charla-debate para abordar o Proceso de Boloña.

O acto contará coa presenza de Marcos Loureiro (Responsábel Nacional dos Comités), Elena Sierra (Vicerreitora de Novas Tecnoloxías e Calidade) e Xulio Ferreiro (Responsábel Nacional da CIG-Ensino).

Ficades todos e todas convidados.

Para máis información, podedes contactar cós compañeiros das Pontes no enderezo :

galizanova.aspontes@gmail.com

12 Lúas

2009-05-27T18:44:00.001+01:00

Galiza Nova de Fene pon en coñecemento de tódolos mozos e mozas Feneses un interesante obradoiro que se desenvolverá en compostela o vindeiro mes de Xuño.

O colectivo tecnolóxico-cultural 12 Lúas está a presentar estes días o Obradoiro Experimental Lueiro (iniciación ao gravado e ás novas tecnoloxías).

A actividade se realizará nos seguintes emprazamentos composteláns:

-O Taller do Paraná (para o gravado, os días 1, 5 e 6 de xuño)

- Casa da Asociacións/Antiga Estación de Cornes (para as novas tecnoloxías, os días 10, 11 e 12 de xuño).

Esta dirixido a moz@s maiores de 12 anos e terá un prezo de 40 € por persoa.

O obxetivo será ofrecer a todas e todos os participantes o escenario máis axeitado para iniciarse na era dixital a partir do gravado e viceversa. Máis polo miúdo, consistirá en formar un mural con todo o que as persoas inscritas desenvolvan a partir do gravado, interrelacionar unhas obras con outras e logo transformalo todo ao dixital. “A arte en todo o seu contexto e con a axuda do público, dará vida a unha obra creada baixo o lema de comunidade”, sinalan os responsables da iniciativa, o grupo 12 Lúas de creación cultural baseada nas novas tecnoloxías de balde de Internet (YouTube, Mindtouch Deki Wiki, Blogspot, Google Mail, Archive.org, Flickr e Facebook) coas licenzas Creative Commons.

Por certo que a actividade que presentan estes días desenvolverase coas xornadas do Roteiro de Creación que organizan os integrantes do Laboratorio de Creación Artística (LCA).

Para máis información e inscripcións :

12luas@gmail.com

http://12luas.blogspot.com/2009/05/informacion-obradoiro-experimental.html

VOTO POR CORREO

2009-05-26T09:15:00.001+01:00

O vindeiro 7 de Xuño celébranse as eleccións Europeas. Para Galiza Nova, organización xuvenil do BNG, estas son unhas eleccións moi importantes porque durante estes anos Galiza non estivo representada directamente, nunhas institucións onde se van tomar decisións fundamentais para o futuro do noso país. Queremos contar co teu apoio para facer que Galiza, a través da representación do BNG, teña voz e voto en Europa. Para que as galegas e galegos esteamos representados e poidamos defender unha Europa dos pobos e democrática, que recoñeza a diversidade nacional, cultural e lingüística. Para impulsar unha Europa social e xusta contraria ao modelo neoliberal que causou a actual crise económica e a reforma do ensino a través do Plan Boloña. Para defender os nosos sectores productivos (o agro, a pesca, o naval…) como xeradores de emprego e riqueza na Galiza. É por iso que precisamos do teu apoio ao BNG, para avanzar nas necesidades e aspiracións da xente nova: no dereito a un traballo digno na propia Terra, no dereito a un ensino público, galego e de calidade, no recoñecemento oficial do galego na UE… Por iso che pedimos o teu apoio: para que ti contes, para que Galiza conte!!

Se vas estar noutra localidade do Estado Español diferente de onde che corresponde votar, podes votar por correo:

1. Ata o 28 de maio, vai a calquera oficina de correos co Documento de Identidade, e cubre o modelo para solicitar o certificado de inscrición no censo electoral. O enderezo que indiques será a onde che envíen toda a documentación.

2. Do 18 ao 31 de maio, remitiranche a documentación para poder votar ao enderezo que indicaches (certificado de inscrición, papeletas e sobre electoral, enderezo da mesa onde che corresponde votar e folla explicativa de todo o proceso).

3. Con esta documentación elixe a papeleta de voto e introdúcea no sobre de votación, logo métea noutro sobre co enderezo da mesa electoral, xunto coa inscrición no censo.

4. Ata o 3 de xuño tes de prazo para enviala por correo certificado e urxente.

*TODO O PROCESO É DE BALDE.

*UNHA VEZ QUE SOLICITAS O VOTO POR CORREO (AÍNDA QUE DESPOIS DESISTAS) IMPIDE O VOTO PRESENCIAL NA MESA ELECTORAL O DÍA DAS ELECCIÓNS.

ÁNIMO E ADIANTE CÓ BNG!!!

----------------------------------------------------------

LEMBRADE, HOXE ÁS 20.30H NA CASA DA CULTURA DE FENE, ACTO SOBRE NAVAL CON FRANCISCO JORQUERA E HELENA VEIGUELA.

DENDE FENE…

2009-05-25T10:18:00.001+01:00

Benvid@s ó noso espazo na rede , onde daremos conta das nosas inquedanzas e actividades tanto no noso concello, na comarca ou mesmo por todo o país.

Como sabedes, andamos en plena campaña das europeas 09, mañá teremos a oportunidade en Fene de asistir a un acto moi interesante para todo o concello, pero especialmente para nós, os mozos e mozas.

Será o Martes 26, as 20.30 h na casa da cultura, onde Francisco Jorquera, e Helena Veiguela falarán sobre o sector naval.

Sen máis , quedades tod@s convidados.

Etiquetas de Technorati: GALIZA NOVA,FENE,BNG,NAVAL,EUROPEAS 09